Больш сямідзесяцігоддзяў над нашай краінай ззяе мірнае сонца. Спакойна працуюць людзі, пад шчаслівай зоркай растуць дзеці, і толькі чалавечая памяць не можа забыць жудасныя гады ваеннага ліхалецця. З кожным годам, ды што з годам, з кожным днём усё менш і менш застаецца жывых сведкаў тых далёкіх дзён. Нам, нашчадкам, трэба зрабіць усё магчымае і немагчымае, каб захаваць памяць пра тых землякоў-патрыётаў, якія не шкадавалі ні жыцця, ні здароўя дзеля таго, каб мы не ведалі жахаў вайны.
Вечная слава Героям, якія змагаліся за свабоду і незалежнасць нашай любай Радзімы.